Sunan Abi Dawood Hadith 1242 (سنن أبي داود)
[1242]إسنادہ حسن
صححہ ابن خزیمۃ (1363 وسندہ حسن)
تحقیق وتخریج:محدث العصر حافظ زبیر علی زئی رحمہ اللہ
قَالَ أَبو دَاود: وَأَمَّا عُبَيْدُ اللہِ بْنُ سَعْدٍ فَحَدَّثَنَا،قَالَ: حَدَّثَنِي عَمِّي،حَدَّثَنَا أَبِي عَنِ ابْنِ إِسْحَاقَ،حَدَّثَنِي مُحَمَّدُ بْنُ جَعْفَرِ بْنِ الزُّبَيْرِ أَنَّ عُرْوَةَ بْنَ الزُّبَيْرِ حَدَّثَہُ أَنَّ عَائِشَةَ،حَدَّثَتْہُ بِہَذِہِ الْقِصَّةِ قَالَتْ: كَبَّرَ رَسُولُ اللہِ ﷺ وَكَبَّرَتِ الطَّائِفَةُ الَّذِينَ صَفُّوا مَعَہُ،ثُمَّ رَكَعَ فَرَكَعُوا،ثُمَّ سَجَدَ فَسَجَدُوا،ثُمَّ رَفَعَ فَرَفَعُوا،ثُمَّ مَكَثَ رَسُولُ اللہِ ﷺ جَالِسًا،ثُمَّ سَجَدُوا لِأَنْفُسِہِمُ الثَّانِيَةَ،ثُمَّ قَامُوا فَنَكَصُوا عَلَی أَعْقَابِہِمْ يَمْشُونَ الْقَہْقَرَی،حَتَّی قَامُوا مِنْ وَرَائِہِمْ،وَجَاءَتِ الطَّائِفَةُ الْأُخْرَی فَقَامُوا فَكَبَّرُوا،ثُمَّ رَكَعُوا لِأَنْفُسِہِمْ،ثُمَّ سَجَدَ رَسُولُ اللہِ ﷺ فَسَجَدُوا مَعَہُ،ثُمَّ قَامَ رَسُولُ اللہِ ﷺ وَسَجَدُوا لِأَنْفُسِہِمُ الثَّانِيَةَ،ثُمَّ قَامَتِ الطَّائِفَتَانِ جَمِيعًا،فَصَلَّوْا مَعَ رَسُولِ اللہِ ﷺ فَرَكَعَ فَرَكَعُوا،ثُمَّ سَجَدَ فَسَجَدُوا جَمِيعًا،ثُمَّ عَادَ فَسَجَدَ الثَّانِيَةَ،وَسَجَدُوا مَعَہُ سَرِيعًا كَأَسْرَعِ الْإِسْرَاعِ جَاہِدًا،لَا يَأْلُونَ سِرَاعًا،ثُمَّ سَلَّمَ رَسُولُ اللہِ ﷺ وَسَلَّمُوا،فَقَامَ رَسُولُ اللہِ ﷺ،وَقَدْ شَارَكَہُ النَّاسُ فِي الصَّلَاةِ كُلِّہَا.
امام ابوداؤد رحمہ اللہ کہتے ہیں کہ عبیداللہ بن سعد نے ہم سے بیان کیا تو کہا کہ مجھ سے میرے چچا نے بیان کیا،انہوں نے کہا کہ میرے والد نے مجھے خبر دی ابن اسحاق سے،انہوں نے کہا کہ مجھ سے محمد بن جعفر بن زبیر نے بیان کیا ہے کہ عروہ بن زبیر نے ان سے بیان کیا کہ سیدہ عائشہ رضی اللہ عنہا نے ان سے یہی واقعہ بیان کیا۔کہا: رسول اللہ ﷺ نے تکبیر کہی اور اس گروہ نے بھی تکبیر کہی جس نے آپ ﷺ کے ساتھ صف بنائی تھی۔پھر آپ ﷺ نے رکوع کیا تو انہوں نے بھی رکوع کیا۔پھر آپ ﷺ نے سجدہ کیا تو انہوں نے بھی سجدہ کیا،پھر آپ ﷺ نے سر اٹھایا تو انہوں نے بھی اٹھایا۔پھر رسول اللہ ﷺ بیٹھے رہے اور ان لوگوں نے اپنے طور پر دوسرا سجدہ کیا۔پھر وہ کھڑے ہوئے اور الٹے پاؤں چلتے ہوئے ان (یعنی دوسرے گروہ) کے پیچھے جا کھڑے ہوئے اور دوسرا گروہ آ گیا،وہ کھڑے ہوئے اور انہوں نے تکبیر کہی اور اپنے طور پر رکوع کیا،پھر رسول اللہ ﷺ نے سجدہ کیا تو انہوں نے آپ ﷺ کے ساتھ سجدہ کیا،پھر رسول اللہ ﷺ کھڑے ہو گئے اور ان لوگوں نے اپنے طور پر دوسرا سجدہ کیا۔پھر دونوں گروہ اکٹھے کھڑے ہوئے اور رسول اللہ ﷺ کے ساتھ نماز پڑھی۔آپ ﷺ نے رکوع کیا تو انہوں نے رکوع کیا،پھر آپ ﷺ نے سجدہ کیا تو سب نے سجدہ کیا۔پھر پلٹ کر دوسرا سجدہ کیا،انہوں نے بھی آپ ﷺ کے ساتھ جلدی سے سجدہ کیا،نہایت جلدی،جلد بازی میں کوئی کسر نہ چھوڑی۔پھر رسول اللہ ﷺ نے سلام پھیرا،تو ان سب نے بھی سلام پھیرا۔پھر رسول اللہ ﷺ کھڑے ہو گئے اور سب لوگ آپ ﷺ کے ساتھ ساری نماز میں شریک رہے۔