Sunan Abi Dawood Hadith 1246 (سنن أبي داود)
[1246]إسنادہ صحیح
أخرجہ النسائي (1531 وسندہ صحیح) وصححہ ابن خزیمۃ (1343 وسندہ صحیح)
تحقیق وتخریج:محدث العصر حافظ زبیر علی زئی رحمہ اللہ
حَدَّثَنَا مُسَدَّدٌ،حَدَّثَنَا يَحْيَی،عَنْ سُفْيَانَ،حَدَّثَنِي الْأَشْعَثُ بْنُ سُلَيْمٍ عَنِ الْأَسْوَدِ بْنِ ہِلَالٍ،عَنْ ثَعْلَبَةَ بْنِ زَہْدَمٍ،قَالَ: كُنَّا مَعَ سَعِيدِ بْنِ الْعَاصِ بِطَبَرِسْتَانَ،فَقَامَ،فَقَالَ: أَيُّكُمْ صَلَّی مَعَ رَسُولِ اللہِ ﷺ صَلَاةَ الْخَوْفِ؟ فَقَالَ حُذَيْفَةُ: أَنَا،فَصَلَّی بِہَؤُلَاءِ رَكْعَةً،وَبِہَؤُلَاءِ رَكْعَةً،وَلَمْ يَقْضُوا. قَالَ أَبو دَاود: وَكَذَا رَوَاہُ عُبَيْدُ اللہِ بْنُ عَبْدِ اللہِ وَمُجَاہِدٌ عَنِ ابْنِ عَبَّاسٍ عَنِ النَّبِيِّ ﷺ وَعَبْدُ اللہِ بْنُ شَقِيقٍ،عَنْ أَبِي ہُرَيْرَةَ عَنِ النَّبِيِّ ﷺ وَيَزِيدُ الْفَقِيرُ وَأَبُو مُوسَی. قَالَ أَبو دَاود: رَجُلٌ مِنَ التَّابِعِينَ لَيْسَ بِالْأَشْعَرِيِّ جَمِيعًا،عَنْ جَابِرٍ عَنِ النَّبِيِّ ﷺ وَقَدْ قَالَ بَعْضُہُمْ،عَنْ شُعْبَةَ فِي حَدِيثِ يَزِيدَ الْفَقِيرِ إِنَّہُمْ قَضَوْا رَكْعَةً أُخْرَی وَكَذَلِكَ رَوَاہُ سِمَاكٌ الْحَنَفِيُّ عَنِ ابْنِ عُمَرَ عَنِ النَّبِيِّ ﷺ وَكَذَلِكَ رَوَاہُ زَيْدُ بْنُ ثَابِتٍ عَنِ النَّبِيِّ ﷺ قَالَ: فَكَانَتْ لِلْقَوْمِ رَكْعَةً رَكْعَةً،وَلِلنَّبِيِّ ﷺ رَكْعَتَيْنِ.
جناب ثعلبہ بن زہدم بیان کرتے ہیں کہ ہم لوگ سیدنا سعید بن العاص رضی اللہ عنہ کے ساتھ طبرستان میں تھے،وہ کھڑے ہوئے اور پوچھا: تم میں سے کون ہے جس نے رسول اللہ ﷺ کے ساتھ نماز خوف پڑھی ہے؟ سیدنا حذیفہ رضی اللہ عنہ نے کہا: میں ہوں۔چنانچہ انہوں نے ایک گروہ کو ایک رکعت پڑھائی اور دوسرے کو ایک،اور پھر ان لوگوں نے کوئی ادائیگی نہیں کی (دوسری رکعت ادا نہ کی) امام ابوداؤد رحمہ اللہ کہتے ہیں کہ عبیداللہ بن عبداللہ اور مجاہد نے سیدنا ابن عباس رضی اللہ عنہما سے انہوں نے نبی کریم ﷺ سے ایسے ہی روایت کیا ہے۔اور عبداللہ بن شقیق نے سیدنا ابوہریرہ رضی اللہ عنہ سے انہوں نے نبی کریم ﷺ سے اور یزید الفقیر اور ابوموسیٰ،یہ ایک تابعی ہیں (صحابی رسول ابوموسیٰ) اشعری نہیں ہیں۔یہ سب سیدنا جابر رضی اللہ عنہ سے،انہوں نے نبی کریم ﷺ سے۔بعض نے شعبہ سے یزید الفقیر کی روایت میں کہا ہے: انہوں نے ایک رکعت ادا کی تھی۔اور ایسے ہی اس کو سماک حنفی نے سیدنا ابن عمر رضی اللہ عنہما سے انہوں نے نبی کریم ﷺ سے روایت کیا ہے۔اور ایسے ہی اس کو سیدنا زید بن ثابت رضی اللہ عنہ نے نبی کریم ﷺ سے روایت کیا ہے۔اس صورت میں قوم کے لیے ایک ایک رکعت ہوئی اور نبی کریم ﷺ کے لیے دو رکعتیں۔