Sunan ibn Majah Hadith 4327 (سنن ابن ماجہ)

[4327]إسنادہ حسن

تحقیق وتخریج:محدث العصر حافظ زبیر علی زئی رحمہ اللہ

حَدَّثَنَا أَبُو بَكْرِ بْنُ أَبِي شَيْبَةَ حَدَّثَنَا مُحَمَّدُ بْنُ بِشْرٍ عَنْ مُحَمَّدِ بْنِ عَمْرٍو عَنْ أَبِي سَلَمَةَ عَنْ أَبِي ہُرَيْرَةَ قَالَ قَالَ رَسُولُ اللہِ ﷺ يُؤْتَی بِالْمَوْتِ يَوْمَ الْقِيَامَةِ فَيُوقَفُ عَلَی الصِّرَاطِ فَيُقَالُ يَا أَہْلَ الْجَنَّةِ فَيَطَّلِعُونَ خَائِفِينَ وَجِلِينَ أَنْ يُخْرَجُوا مِنْ مَكَانِہِمْ الَّذِي ہُمْ فِيہِ ثُمَّ يُقَالُ يَا أَہْلَ النَّارِ فَيَطَّلِعُونَ مُسْتَبْشِرِينَ فَرِحِينَ أَنْ يُخْرَجُوا مِنْ مَكَانِہِمْ الَّذِي ہُمْ فِيہِ فَيُقَالُ ہَلْ تَعْرِفُونَ ہَذَا قَالُوا نَعَمْ ہَذَا الْمَوْتُ قَالَ فَيُؤْمَرُ بِہِ فَيُذْبَحُ عَلَی الصِّرَاطِ ثُمَّ يُقَالُ لِلْفَرِيقَيْنِ كِلَاہُمَا خُلُودٌ فِيمَا تَجِدُونَ لَا مَوْتَ فِيہَا أَبَدًا

حضرت ابو ہریرۃ ؓ سے روایت ہے۔رسول اللہ ﷺ نے فرمایا: قیامت کے دن موت کو لا کر پل صراط پر کھڑا کردیا جائے گا۔پھر کہا جائے گا۔جنت والو! وہ ڈرتے ڈرتے جھانکیں گے۔انھیں خوف ہوگا کہ انھیں اس جگہ (جنت) سے نکال نہ دیا جائے جہاں وہ موجود ہیں۔پھر کہا جائے گا جہنم والو! وہ خوش ہوکرجھانکیں گے انھیں(اس امید کی وجہ سے) خوشی ہوگی۔کہ انھیں اس جگہ سے نکال لیا جائے گا۔جہاں وہ موجود ہیں۔(پھر) کہا جائےگا۔کیا تم اس چیز کو پہچانتے ہو۔وہ کہیں گے ہاں یہ موت ہے۔پھر اللہ کے حکم سے (موت) کو پل صراط پر ذبح کردیا جائے گا اوردونوں گروہوں سے کہہ دیاجائےگا۔تم جس چیز میں ہو اسی میں ہمیشہ رہو گے اس میں کبھی موت نہیں آئے گی۔

الحدیث السابقالحديث الآتي