Mishkaat ul Masabeeh Hadith 5661 (مشکوۃ المصابیح)
[5661] إسنادہ ضعیف، رواہ الترمذي (3278) ٭ فیہ مجالد بن سعید: ضعیف و أصل الحدیث عند البخاري [4855] و مسلم [177] بغیر ھذا اللفظ) والروایۃ الثانیۃ صحیحۃ متفق علیھا (رواھا البخاري: 3235 و مسلم: 290/ 177)
تحقیق وتخریج:محدث العصر حافظ زبیر علی زئی رحمہ اللہ
وَعَن الشّعبِيّ قَالَ: لَقِيَ ابْنُ عَبَّاسٍ كَعْبًا بِعَرَفَةَ فَسَأَلَہُ عَنْ شَيْءٍ فَكَبَّرَ حَتَّی جَاوَبَتْہُ الْجِبَالُ. فَقَالَ ابْنُ عَبَّاسٍ: إِنَّا بَنُو ہَاشِمٍ. فَقَالَ كَعْبٌ: إِنَّ اللہَ قَسَّمَ رُؤْيَتَہُ وَكَلَامَہُ بَيْنَ مُحَمَّدٍ وَمُوسَی فَكَلَّمَ مُوسَی مَرَّتَيْنِ وَرَآہُ مُحَمَّدٌ مَرَّتَيْنِ. قَالَ مسروقٌ: فَدخلت علی عَائِشَة فَقلت: ہَل رَأَی مُحَمَّدٌ رَبَّہُ؟ فَقَالَتْ: لَقَدْ تَكَلَّمْتَ بِشَيْءٍ قَفَّ لَہُ شَعَرِي قُلْتُ: رُوَيْدًا ثُمَّ قَرَأْتُ (لقد رأی من آيَات ربّہ الْكُبْرَی) فَقَالَتْ: أَيْنَ تَذْہَبُ بِكَ؟ إِنَّمَا ہُوَ جِبْرِيلُ. مَنْ أَخْبَرَكَ أَنَّ مُحَمَّدًا رَأَی رَبَّہُ أَوْ كَتَمَ شَيْئًا مِمَّا أُمِرَ بِہِ أَوْ يَعْلَمُ الْخَمْسَ الَّتِي قَالَ اللہُ تَعَالَی: (إِنَّ اللہَ عِنْدَہُ عِلْمُ السَّاعَةِ وَيُنَزِّلُ الْغَيْثَ) فَقَدْ أَعْظَمَ الْفِرْيَةَ وَلَكِنَّہُ رَأَی جِبْرِيلَ لَمْ يَرَہُ فِي صُورَتِہِ إِلَّا مَرَّتَيْنِ: مَرَّةً عِنْدَ سِدْرَةِ الْمُنْتَہَی وَمَرَّةً فِي أَجْيَادٍ لَہُ سِتُّمِائَةِ جَنَاحٍ قَدْ سَدَّ الْأُفُقَ رَوَاہُ التِّرْمِذِيُّ وَرَوَی الشَّيْخَانِ مَعَ زِيَادَةٍ وَاخْتِلَافٍ وَفِي رِوَايَتِہِمَا: قَالَ: قُلْتُ لِعَائِشَةَ: فَأَيْنَ قَوْلُہُ (ثُمَّ دَنَا فَتَدَلَّی فَكَانَ قَابَ قَوْسَيْنِ أَوْ أَدْنَی) ؟ قَالَتْ: ذَاكَ جِبْرِيلُ عَلَيْہِ السَّلَامُ كَانَ يَأْتِيہِ فِي صُورَةِ الرَّجُلِ وَإِنَّہُ أَتَاہُ ہَذِہِ الْمَرَّةَ فِي صُورَتِہِ الَّتِي ہِيَ صُورَتُہُ فَسَدَّ الْأُفُقَ
شعبی ؒ بیان کرتے ہیں،ابن عباس ؓ،کعب ؓ کو عرفات کے میدان میں ملے تو ابن عباس ؓ نے ان سے کسی چیز کے متعلق مسئلہ دریافت کیا تو انہوں نے (زور سے) اللہ اکبر کہا حتی کہ پہاڑوں نے انہیں جواب دیا،ابن عباس ؓ نے فرمایا: ہم بنو ہاشم ہیں،کعب ؓ نے فرمایا: اللہ نے اپنی رؤیت اور اپنے کلام کو محمد صلی اللہ علیہ وآلہ وسلم اور موسی ؑ کے درمیان تقسیم فرمایا ہے،موسی ؑ نے دو مرتبہ کلام کیا ہے جبکہ محمد صلی اللہ علیہ وآلہ وسلم نے اسے دو مرتبہ دیکھا ہے۔مسروق ؒ بیان کرتے ہیں میں عائشہ ؓ کے پاس گیا تو میں نے پوچھا کیا محمد صلی اللہ علیہ وآلہ وسلم نے اپنے رب کو دیکھا ہے؟ انہوں نے فرمایا: تم نے ایسی چیز کے متعلق بات کی ہے کہ میرے رونگٹے کھڑے ہو گئے ہیں،میں نے عرض کیا: ذرا سکون فرمائیں،پھر میں نے یہ آیت تلاوت کی:’’اس (رسول صلی اللہ علیہ وآلہ وسلم) نے اپنے رب کی بعض بڑی نشانیاں دیکھیں۔‘‘ انہوں نے فرمایا: یہ (آیت) تمہیں کدھر لے جا رہی ہے؟ اس سے مراد تو جبریل ؑ ہیں،جو شخص تمہیں یہ بتائے کہ محمد صلی اللہ علیہ وآلہ وسلم نے اپنے رب کو دیکھا ہے؟ یا جس کے متعلق آپ صلی اللہ علیہ وآلہ وسلم کو (بیان کرنے کا) حکم دیا گیا تھا تو آپ نے اس میں سے کوئی چیز چھپا لی؟ یا آپ وہ پانچ چیزیں جانتے تھے جن کے متعلق اللہ تعالیٰ نے فرمایا:’’بے شک قیامت کا علم اللہ ہی کے پاس ہے،اور وہی بارش برساتا ہے۔‘‘ اور یہ (کہ محمد صلی اللہ علیہ وآلہ وسلم نے اپنے رب کو دیکھا ہے) تو یہ بہت بڑا جھوٹ ہے،لیکن آپ صلی اللہ علیہ وآلہ وسلم نے جبریل ؑ کو دیکھا ہے اور آپ نے انہیں ان کی اصل صورت میں صرف دو مرتبہ ہی دیکھا ہے،ایک مرتبہ سدرۃ المنتہی کے پاس اور ایک مرتبہ اجیاد (مکہ کے نشیبی علاقے) کے پاس،اس کے چھ سو پر ہیں۔اور اس نے افق کو بھر دیا تھا۔ امام بخاری ؒ اور امام مسلم ؒ نے کچھ اضافے اور کچھ اختلاف کے ساتھ روایت کیا ہے،ان کی روایت میں ہے،مسروق ؒ نے کہا: میں نے عائشہ ؓ سے عرض کیا: اللہ تعالیٰ کے اس فرمان:’’پھر وہ قریب ہوا اور آگے بڑھا،تو کمان کا یا اس سے بھی کم فرق رہ گیا۔‘‘ کا کیا معنی ہے؟ انہوں نے فرمایا: وہ (جبریل ؑ) آدمی کی صورت میں آپ صلی اللہ علیہ وآلہ وسلم کے پاس آیا کرتے تھے،اور اس مرتبہ وہ اپنی اس صورت میں آئے تھے جو کہ ان کی اصل صورت ہے،تو افق بھر گیا۔اسنادہ ضعیف،رواہ الترمذی و اصل الحدیث عند البخاری و مسلم۔