Mishkaat ul Masabeeh Hadith 5737 (مشکوۃ المصابیح)
[5737] إسنادہ ضعیف، رواہ أحمد (5/ 178 ح 21879) ٭ فیہ عبید بن خشخاش لین وأبو عمر الدمشقي: ضعیف . روایۃ أبي أمامۃ: سندہ ضعیف جدًا، رواہا أحمد (5/ 265، 266 ح 22644) فیہ علي بن یزید الألھاني ضعیف جدًا و معان بن رفاعۃ ضعیف .
تحقیق وتخریج:محدث العصر حافظ زبیر علی زئی رحمہ اللہ
وَعَنْ أَبِي ذَرٍّ قَالَ: قُلْتُ: يَا رَسُولَ اللہِ أَيُّ الْأَنْبِيَاءِ كَانَ أَوَّلَ؟ قَالَ: ((آدَمُ)) . قُلْتُ: يَا رَسُولَ اللہِ وَنَبِيٌّ كَانَ؟ قَالَ: ((نَعَمْ نَبِيٌّ مُكَلَّمٌ)) . قُلْتُ: يَا رَسُولَ اللہِ كم المُرْسَلُونَ؟ قَالَ: ((ثَلَاثمِائَة وبضع عشر جماً غفيراً)) وَفِي رِوَايَة عَنْ أَبِي أُمَامَةَ قَالَ أَبُو ذَرٍّ: قَلْتُ يَا رَسُولَ اللہِ كَمْ وَفَاءُ عِدَّةِ الْأَنْبِيَاءِ؟ قَالَ: ((مِائَةُ أَلْفٍ وَأَرْبَعَةٌ وَعِشْرُونَ أَلْفًا الرُّسُلُ مِنْ ذَلِكَ ثَلَاثُمِائَةٍ وَخَمْسَةَ عَشَرَ جَمًّا غَفِيرًا))
ابوذر ؓ بیان کرتے ہیں،میں نے عرض کیا،اللہ کے رسول! سب سے پہلے نبی کون تھے؟ آپ صلی اللہ علیہ وآلہ وسلم نے فرمایا:’’آدم ؑ۔‘‘ میں نے عرض کیا،اللہ کے رسول! کیا وہ نبی تھے؟ آپ صلی اللہ علیہ وآلہ وسلم نے فرمایا:’’ہاں،ایسے نبی تھے جن پر صحیفہ نازل کیا گیا تھا۔‘‘ میں نے عرض کیا،اللہ کے رسول! رسول کتنے تھے؟ آپ صلی اللہ علیہ وآلہ وسلم نے فرمایا:’’تین سو اور دس سے کچھ اوپر کا جم غفیر تھا۔‘‘ اور ابوامامہ ؓ کی روایت میں ہے،ابوذر ؓ بیان کرتے ہیں،میں نے عرض کیا،اللہ کے رسول! انبیا ؑ کی کل تعداد کتنی ہے؟ آپ صلی اللہ علیہ وآلہ وسلم نے فرمایا:’’ایک لاکھ چوبیس ہزار،ان میں سے رسولوں کی تعداد تین سو پندرہ ایک جم غفیر ہے۔‘‘ اسنادہ ضعیف،رواہ احمد۔