Mishkaat ul Masabeeh Hadith 5765 (مشکوۃ المصابیح)
[5765] إسنادہ ضعیف، رواہ الترمذي (3610) و الدارمي (1/ 26۔ 27 ح 49) ٭ فیہ لیث بن أبي سلیم: ضعیف.
تحقیق وتخریج:محدث العصر حافظ زبیر علی زئی رحمہ اللہ
وَعَنْ أَنَسٍ قَالَ: قَالَ رَسُولُ اللہِ ﷺ: ((أَنَا أَوَّلُ النَّاسِ خُرُوجًا إِذَا بُعِثُوا وَأَنَا قَائِدُہُمْ إِذَا وَفَدُوا وَأَنَا خَطِيبُہُمْ إِذَا أَنْصَتُوا وَأَنَا مُسْتَشْفِعُہُمْ إِذَا حُبِسُوا وَأَنَا مُبَشِّرُہُمْ إِذَا أَيِسُوا الْكَرَامَةُ وَالْمَفَاتِيحُ يَوْمَئِذٍ بِيَدِي وَلِوَاءُ الْحَمْدِ يَوْمَئِذٍ بِيَدِي وَأَنَا أَكْرَمُ وَلَدِ آدَمَ عَلَی رَبِّي يَطُوفُ عَلَيَّ أَلْفُ خادمٍ كأنَّہنَّ بَيْضٌ مُكْنُونٌ أَوْ لُؤْلُؤٌ مَنْثُورٌ)) . رَوَاہُ التِّرْمِذِيُّ وَالدَّارِمِيُّ وَقَالَ التِّرْمِذِيُّ: ہَذَا حَدِيثٌ غَرِيب
انس ؓ بیان کرتے ہیں،رسول اللہ صلی اللہ علیہ وآلہ وسلم نے فرمایا:’’جب لوگوں کو (قبروں سے) اٹھایا جائے گا تو میں سب سے پہلے نکلوں گا،جب وہ اللہ تعالیٰ کے حضور پیش ہوں گے تو میں ان کا قائد ہوں گا،جب وہ خاموش ہوں گے تو میں ان کی طرف سے بات کروں گا،جب انہیں روک لیا جائے گا (حساب شروع نہیں ہو گا) تو میں ان کی سفارش کروں گا،جب وہ ناامید ہو جائیں گے تو میں انہیں (مغفرت و رحمت کی) خوشخبری سناؤں گا،کرامت اور چابیاں اس روز میرے ہاتھ میں ہوں گی،اس روز حمد کا پرچم میرے ہاتھ میں ہو گا،میرے رب کے ہاں تمام انسانوں سے میری سب سے زیادہ عزت ہو گی،ہزار خادم میرے اردگرد چکر لگا رہے ہوں گے،گویا وہ پوشیدہ (بند کیے ہوئے) انڈے ہیں،یا بکھرے ہوئے موتی ہیں۔‘‘ ترمذی،دارمی،اور امام ترمذی نے فرمایا: یہ حدیث غریب ہے۔اسنادہ ضعیف،رواہ الترمذی و الدارمی۔