Mishkaat ul Masabeeh Hadith 5773 (مشکوۃ المصابیح)
[5773] إسنادہ حسن، رواہ الدارمي (1/ 25۔ 26 ح 47) والحاکم (2/ 350)
تحقیق وتخریج:محدث العصر حافظ زبیر علی زئی رحمہ اللہ
عَن ابْن عبَّاس قَالَ: إنَّ اللہ تَعَالَی فضل مُحَمَّدًا ﷺ عَلَی الْأَنْبِيَاءِ وَعَلَی أَہْلِ السَّمَاءِ فَقَالُوا يَا أَبَا عَبَّاسٍ بِمَ فَضَّلہ اللہ عَلَی أَہْلِ السَّمَاءِ؟ قَالَ: إِنَّ اللہَ تَعَالَی قَالَ لِأَہْلِ السَّمَاءِ [وَمَنْ يَقُلْ مِنْہُمْ إِنِّي إِلَہٌ مِنْ دُونِہِ فَذَلِكَ نَجْزِيہِ جَہَنَّمَ كَذَلِكَ نجزي الظَّالِمين] وَقَالَ اللہُ تَعَالَی لِمُحَمَّدٍ ﷺ: [إِنَّا فَتَحْنَا لَكَ فَتْحًا مُبِينًا لِيَغْفِرَ لَكَ اللہُ مَا تَقَدَّمَ مِنْ ذَنْبِكَ وَمَا تأخَّر] قَالُوا: وَمَا فَضْلُہُ عَلَی الْأَنْبِيَاءِ؟ قَالَ: قَالَ اللہُ تَعَالَی: [وَمَا أَرْسَلْنَا مِنْ رَسُولٍ إِلَّا بِلِسَانِ قَوْمِہِ لِيُبَيِّنَ لَہُمْ فَيُضِلُّ اللہُ مَنْ يَشَاء] الْآيَةَ وَقَالَ اللہُ تَعَالَی لِمُحَمَّدٍ صَلَّی اللہُ عَلَيْہِ وَسلم: [وَمَا أَرْسَلْنَاك إِلَّا كَافَّة للنَّاس] فَأرْسلہُ إِلَی الْجِنّ وَالْإِنْس
ابن عباس ؓ بیان کرتے ہیں،اللہ تعالیٰ نے محمد صلی اللہ علیہ وآلہ وسلم کو تمام انبیا ؑ اور آسمان والوں پر فضیلت عطا فرمائی ہے۔انہوں نے کہا: ابو عباس! اللہ تعالیٰ نے آپ کو آسمان والوں پر کس چیز سے فضیلت عطا فرمائی ہے؟ انہوں نے فرمایا: اللہ تعالیٰ نے آسمان والوں سے فرمایا:’’ان میں سے جس نے کہا کہ میں اللہ تعالیٰ کے سوا معبود ہوں تو ہم اسے جہنم کی سزا دیں گے،ہم اسی طرح ظالموں کو سزا دیتے ہیں۔‘‘ اور اللہ تعالیٰ نے محمد صلی اللہ علیہ وآلہ وسلم سے فرمایا:’’ہم نے آپ کو فتح مبین عطا فرمائی تا کہ اللہ آپ کے تمام گناہ معاف فرما دے۔‘‘ انہوں نے کہا: آپ صلی اللہ علیہ وآلہ وسلم کی دوسرے انبیا ؑ پر کون سی فضیلت ہے؟ انہوں نے کہا: اللہ تعالیٰ نے فرمایا:’’ہم نے ہر رسول کو اس کی قوم کی زبان کے ساتھ مبعوث فرمایا تا کہ وہ انہیں وضاحت کر سکے،اللہ تعالیٰ جسے چاہتا ہے گمراہ کر دیتا ہے۔‘‘ جبکہ اللہ تعالیٰ نے محمد صلی اللہ علیہ وآلہ وسلم سے فرمایا:’’ہم نے آپ کو تمام انسانوں کی طرف مبعوث فرمایا۔‘‘ سو اللہ تعالیٰ نے آپ صلی اللہ علیہ وآلہ وسلم کو تمام جنوں اور تمام انسانوں کی طرف مبعوث فرمایا۔اسنادہ حسن،رواہ الدارمی و الحاکم۔