Mishkaat ul Masabeeh Hadith 5876 (مشکوۃ المصابیح)

[5876] رواہ البخاري (3022)

تحقیق وتخریج:محدث العصر حافظ زبیر علی زئی رحمہ اللہ

وَعَن الْبَراء قَالَ بَعَثَ النَّبِيُّ ﷺ رَہْطًا إِلَی أَبِي رَافِعٍ فَدَخَلَ عَلَيْہِ عَبْدُ اللہِ بْنُ عَتِيكٍ بَيْتَہُ لَيْلًا وَہُوَ نَائِمٌ فَقَتَلَہُ فَقَالَ عَبْدُ اللہِ بْنُ عَتِيكٍ: فَوَضَعْتُ السَّيْف فِي بَطْنہ حَتَّی أَخذ فِي ظَہرہ فَعَرَفْتُ أَنِّي قَتَلْتُہُ فَجَعَلْتُ أَفْتَحُ الْأَبْوَابَ حَتَّی انْتَہَيْتُ إِلَی دَرَجَةٍ فَوَضَعْتُ رِجْلِي فَوَقَعْتُ فِي لَيْلَةٍ مُقْمِرَةٍ فَانْكَسَرَتْ سَاقِي فَعَصَبَتُہَا بِعِمَامَةٍ فَانْطَلَقْتُ إِلَی أَصْحَابِي فَانْتَہَيْتُ إِلَی النَّبِيُّ ﷺ فَحَدَّثْتُہُ فَقَالَ: ((ابْسُطْ رِجْلَكَ)) . فَبَسَطْتُ رِجْلِي فَمَسَحَہَا فَكَأَنَّمَا لَمْ أَشْتَكِہَا قَطُّ. رَوَاہُ البُخَارِيّ

براء ؓ بیان کرتے ہیں،نبی صلی ‌اللہ ‌علیہ ‌وآلہ ‌وسلم نے چند آدمیوں کو ابورافع (یہودی) کی طرف بھیجا،عبداللہ بن عتیک ؓ رات کے وقت اس کے گھر میں داخل ہو گئے اور اسے قتل کر دیا،عبداللہ بن عتیک ؓ بیان کرتے ہیں،میں نے تلوار اس کے پیٹ میں اتار دی حتیٰ کہ وہ اس کی پشت تک پہنچ گئی،جب مجھے یقین ہو گیا کہ میں نے اسے قتل کر دیا ہے،تو میں دروازے کھولنے لگا حتیٰ کہ میں آخری زینے تک پہنچ گیا،میں نے اپنا پاؤں رکھا اور میں گر گیا،چاندنی رات تھی،میری پنڈلی ٹوٹ گئی،میں نے عمامے کے ساتھ اس پر پٹی باندھی،اور میں اپنے ساتھیوں کے پاس چلا آیا پھر میں نبی صلی ‌اللہ ‌علیہ ‌وآلہ ‌وسلم کی خدمت میں حاضر ہوا اور آپ سے پورا واقعہ بیان کیا،تو آپ صلی ‌اللہ ‌علیہ ‌وآلہ ‌وسلم نے فرمایا:’’اپنا پاؤں پھیلاؤ۔‘‘ میں نے اپنا پاؤں پھیلایا تو آپ نے اس پر اپنا دست مبارک پھیرا تو وہ ایسے ہو گیا جیسے کبھی اس میں تکلیف ہوئی ہی نہ تھی۔رواہ البخاری۔

الحدیث السابقالحديث الآتي