Mishkaat ul Masabeeh Hadith 5885 (مشکوۃ المصابیح)
[5885] رواہ مسلم (74/ 3012)
تحقیق وتخریج:محدث العصر حافظ زبیر علی زئی رحمہ اللہ
وَعَنْ جَابِرٍ قَالَ: سِرْنَا مَعَ رَسُولِ اللہِ ﷺ حَتَّی نَزَلْنَا وَادِيًا أَفْيَحَ فَذَہَبَ رَسُولَ اللہِ ﷺ يَقْضِي حَاجَتَہُ فَلَمْ يَرَ شَيْئًا يَسْتَتِرُ بِہِ وَإِذَا شَجَرَتَيْنِ بِشَاطِئِ الْوَادِي فَانْطَلَقَ رَسُولُ اللہِ ﷺ إِلَی إِحْدَاہُمَا فَأَخَذَ بِغُصْنٍ مِنْ أَغْصَانِہَا فَقَالَ انْقَادِي عَلَيَّ بِإِذْنِ اللہِ فَانْقَادَتْ مَعَہُ كَالْبَعِيرِ الْمَخْشُوشِ الَّذِي يُصَانِعُ قَائِدَہُ حَتَّی أَتَی الشَّجَرَةَ الْأُخْرَی فَأَخَذَ بِغُصْنٍ مِنْ أَغْصَانِہَا فَقَالَ انْقَادِي عَلَيَّ بِإِذْنِ اللہِ فَانْقَادَتْ مَعَہُ كَذَلِكَ حَتَّی إِذَا كَانَ بِالْمَنْصَفِ مِمَّا بَيْنَہُمَا قَالَ الْتَئِمَا عَلَيَّ بِإِذْنِ اللہِ فَالْتَأَمَتَا فَجَلَسْتُ أُحَدِّثُ نَفْسِي فَحَانَتْ مِنِّي لفتة فَإِذَا أَنَا بِرَسُولِ اللہِ ﷺ مُقْبِلًا وَإِذَا الشَّجَرَتَيْنِ قَدِ افْتَرَقَتَا فَقَامَتْ كُلُّ وَاحِدَةٍ مِنْہُمَا عَلَی سَاقٍ. رَوَاہُ مُسْلِمٌ
جابر ؓ بیان کرتے ہیں،ہم ایک سفر میں رسول اللہ صلی اللہ علیہ وآلہ وسلم کے ہمراہ تھے حتیٰ کہ ہم نے ایک وسیع وادی میں پڑاؤ کیا تو رسول اللہ صلی اللہ علیہ وآلہ وسلم قضائے حاجت کے لیے تشریف لے گئے،آپ نے اوٹ کے لیے کوئی چیز نہ دیکھی البتہ وادی کے کنارے پر دو درخت دیکھے،رسول اللہ صلی اللہ علیہ وآلہ وسلم ان میں سے ایک کی طرف چل دیے،اور اس کی ایک شاخ پکڑ کر فرمایا:’’اللہ کے حکم سے مجھ پر پردہ کر۔‘‘ چنانچہ اس نے نکیل دیئے ہوئے اونٹ کی طرح جھک کر آپ کے اوپر پردہ کیا،جس طرح وہ اپنے قائد کی اطاعت کرتا ہے،پھر آپ صلی اللہ علیہ وآلہ وسلم دوسرے درخت کے پاس گئے اور اس کی ایک شاخ کو پکڑ کر فرمایا:’’اللہ کے حکم سے مجھ پر پردہ کر۔‘‘ وہ بھی اسی طرح آپ پر جھک گیا،حتیٰ کہ جب وہ دونوں نصف فاصلے پر پہنچ گئے تو فرمایا:’’اللہ کے حکم سے مجھ پر سایہ کر دو۔‘‘ چنانچہ وہ دونوں قریب ہو گئے (حتیٰ کہ آپ قضائے حاجت سے فارغ ہو گئے) میں بیٹھا اپنے دل میں سوچ رہا تھا کہ اتنے میں اچانک رسول اللہ صلی اللہ علیہ وآلہ وسلم تشریف لے آئے،اور میں نے دونوں درختوں کو دیکھا کہ وہ الگ الگ ہو گئے،اور ہر ایک اپنے تنے پر کھڑا ہو گیا۔رواہ مسلم۔