Mishkaat ul Masabeeh Hadith 5966 (مشکوۃ المصابیح)
[5966] متفق علیہ، رواہ البخاري (114) و مسلم (22/ 1637) الروایۃ الثانیۃ: البخاري (4431) و مسلم (1637/20)
تحقیق وتخریج:محدث العصر حافظ زبیر علی زئی رحمہ اللہ
وَعَنِ ابْنِ عَبَّاسٍ قَالَ: لَمَّا حُضِرَ رَسُولُ اللہِ ﷺ وَفِي الْبَيْتِ رِجَالٌ فِيہِمْ عُمَرُ بْنُ الْخَطَّابِ قَالَ النَّبِيُّ ﷺ: ((ہَلُمُّوا أَكْتُبْ لَكُمْ كِتَابًا لَنْ تَضِلُّوا بَعْدَہُ)) . فَقَالَ عُمَرَ: أَنَّ رَسُولَ اللہِ ﷺ قَدْ غَلَبَ عَلَيْہِ الْوَجَعُ وَعِنْدَكُمُ الْقُرْآنُ حَسْبُكُمْ كِتَابُ اللہِ فَاخْتَلَفَ أَہْلُ الْبَيْتِ وَاخْتَصَمُوا فَمِنْہُمْ مَنْ يَقُولُ: قَرِّبُوا يَكْتُبْ لَكُمْ رَسُولُ اللہِ صلی اللہ عَلَيْہِ وَسلم. وَمِنْہُم يَقُولُ مَا قَالَ عُمَرُ. فَلَمَّا أَكْثَرُوا اللَّغَطَ وَالِاخْتِلَافَ قَالَ رَسُولُ اللہِ ﷺ: ((قُومُوا عَنِّي)) . قَالَ عُبَيْدُ اللہِ: فَكَانَ ابنُ عباسٍ يَقُول: إِن الرزيئة كل الرزيئة مَا حَالَ بَيْنَ رَسُولِ اللہِ ﷺ وَبَيَّنَ أَنْ يَكْتُبَ لَہُمْ ذَلِكَ الْكِتَابَ لِاخْتِلَافِہِمْ وَلَغَطِہِمْ وَفِي رِوَايَةِ سُلَيْمَانَ بْنِ أَبِي مُسْلِمٍ الْأَحْوَلِ قَالَ ابْنُ عَبَّاسٍ: يَوْمُ الْخَمِيسِ وَمَا يَوْمُ الْخَمِيسِ؟ ثُمَّ بَكَی حَتَّی بَلَّ دَمْعُہُ الْحَصَی. قُلْتُ: يَا ابْنَ عَبَّاسٍ وَمَا يَوْمُ الْخَمِيسِ؟ قَالَ: اشْتَدَّ بِرَسُولِ اللہِ ﷺ وَجَعُہُ فَقَالَ: ((ائْتُونِي بِكَتِفٍ أَكْتُبْ لَكُمْ كِتَابًا لَا تَضِلُّوا بَعْدَہُ أَبَدًا)) . فَتَنَازَعُوا وَلَا يَنْبَغِي عِنْدَ نَبِيٍّ تَنَازُعٌ. فَقَالُوا: مَا شَأْنُہُ أَہَجَرَ؟ اسْتَفْہِمُوہُ فَذَہَبُوا يَرُدُّونَ عَلَيْہِ. فَقَالَ: ((دَعُونِي ذَرُونِي فَالَّذِي أَنَا فِيہِ خَيْرٌ مِمَّا تَدْعُونَنِي إِلَيْہِ)) . فَأَمَرَہُمْ بِثَلَاثٍ: فَقَالَ: ((أَخْرِجُوا الْمُشْرِكِينَ مِنْ جَزِيرَةِ الْعَرَبِ وَأَجِيزُوا الْوَفْدَ بِنَحْوِ مَا كُنْتُ أُجِيزُہُمْ)) . وَسَكَتَ عَنِ الثَّالِثَةِ أَوْ قَالَہَا فَنَسِيتُہَا قَالَ سُفْيَانُ: ہَذَا مِنْ قَول سُلَيْمَان. مُتَّفق عَلَيْہِ
ابن عباس ؓ بیان کرتے ہیں،جب رسول اللہ صلی اللہ علیہ وآلہ وسلم پر مرض الموت کے آثار ظاہر ہونے لگے،تو اس وقت (آپ کے) گھر میں کچھ افراد تھے ان میں عمر بن خطاب ؓ بھی تھے،نبی صلی اللہ علیہ وآلہ وسلم نے فرمایا:’’لاؤ میں تمہیں ایک تحریر لکھ دوں جس کے بعد تم کبھی گمراہ نہ ہوں گے۔‘‘ عمر ؓ نے فرمایا: آپ پر تکلیف کا غلبہ ہے اور تمہارے پاس قرآن ہے،تمہارے لیے اللہ کی کتاب کافی ہے،اس پر گھر میں موجود افراد میں اختلاف پڑ گیا،اور وہ جھگڑ پڑے،کوئی کہہ رہا تھا،لاؤ،رسول اللہ صلی اللہ علیہ وآلہ وسلم تمہیں لکھ دیں،اور کوئی وہی کہہ رہا تھا جو عمر ؓ نے کہا تھا،چنانچہ جب شور و غوغہ اور اختلاف زیادہ ہو گیا تو رسول اللہ صلی اللہ علیہ وآلہ وسلم نے فرمایا:’’میرے پاس سے اٹھ جاؤ۔‘‘ عبید اللہ نے بیان کیا،ابن عباس ؓ فرمایا کرتے تھے: سب سے بڑی مصیبت یہ تھی کہ ان کا اختلاف اور شور و شغب رسول اللہ صلی اللہ علیہ وآلہ وسلم اور آپ کی تحریر کے درمیان حائل ہو گیا۔ اور سلیمان بن ابی مسلم الاحول کی روایت میں ہے،ابن عباس ؓ نے جمعرات کے دن کا ذکر کیا،اور جمعرات کے دن کیا ہوا؟ پھر وہ رونے لگے،اتنا روئے کہ ان کے آنسوؤں نے سنگریزوں کو تر کر دیا۔میں نے کہا: ابن عباس! جمعرات کے دن کیا ہوا؟ انہوں نے فرمایا: اس روز رسول اللہ صلی اللہ علیہ وآلہ وسلم کی تکلیف شدت اختیار کر گئی،آپ صلی اللہ علیہ وآلہ وسلم نے فرمایا:’’مجھے شانے کی ہڈی دو میں تمہیں تحریر لکھ دوں،اس کے بعد تم کبھی گمراہ نہ ہو گے۔‘‘ انہوں نے اختلاف کر لیا،حالانکہ نبی کے ہاں تنازع مناسب نہیں،انہوں نے کہا: ان کی کیا حالت ہے؟ کیا آپ صلی اللہ علیہ وآلہ وسلم (مرض کی وجہ سے) ایسی بات فرما رہے ہیں،انہیں سمجھنے کی کوشش کرو،پھر وہ آپ صلی اللہ علیہ وآلہ وسلم سے بار بار پوچھنے کی کوشش کرتے رہے لیکن آپ صلی اللہ علیہ وآلہ وسلم نے فرمایا:’’مجھے چھوڑ دو،مجھے میرے حال پر رہنے دو میں جس حالت میں ہوں وہ اس سے،جس کے لیے تم کہہ رہے ہو،بہتر ہے۔‘‘ آپ صلی اللہ علیہ وآلہ وسلم نے انہیں تین باتوں کی وصیت فرمائی:’’مشرکین کو جزیرۂ عرب سے نکال دینا،وفود کو اسی طرح عطیات دیتے رہنا جس طرح میں انہیں عطیات دیا کرتا تھا۔‘‘ اور راوی نے تیسری بات نہیں کی یا اس کے متعلق انہوں نے کہا: میں اسے بھول گیا ہوں،سفیان ؒ نے کہا،یہ (کہنا کہ انہوں نے تیسری بات بیان نہیں کی) سلیمان کا قول ہے۔متفق علیہ۔