Mishkaat ul Masabeeh Hadith 6034 (مشکوۃ المصابیح)
[6034] إسنادہ ضعیف جدًا، رواہ رزین (لم أجدہ) [والبیھقي في دلائل النبوۃ (2/ 477)] ٭ فیہ فرات بن السائب عن میمون بن مھران، و الفرات ھذا ضعیف جدًا متروک .
تحقیق وتخریج:محدث العصر حافظ زبیر علی زئی رحمہ اللہ
عَن عمر ذُكِرَ عِنْدَہُ أَبُو بَكْرٍ فَبَكَی وَقَالَ: وَدِدْتُ أَنَّ عَمَلِي كُلَّہُ مِثْلُ عَمَلِہِ يَوْمًا وَاحِدًا مِنْ أَيَّامِہِ وَلَيْلَةً وَاحِدَةً مِنْ لَيَالِيہِ أَمَّا لَيْلَتُہُ فَلَيْلَةٌ سَارَ مَعَ رَسُولِ اللہِ ﷺ إِلَی الْغَار فَلَمَّا انتہينا إِلَيْہِ قَالَ: وَاللہِ لَا تَدْخُلُہُ حَتَّی أَدْخُلَ قَبْلَكَ فَإِنْ كَانَ فِيہِ شَيْءٌ أَصَابَنِي دُونَكَ فَدَخَلَ فَكَسَحَہُ وَوَجَدَ فِي جَانِبِہِ ثُقْبًا فَشَقَّ إزَارہ وسدہا بِہِ وَبَقِي مِنْہَا اثْنَان فألقمہا رِجْلَيْہِ ثُمَّ قَالَ لِرَسُولِ اللہِ ﷺ ادْخُلْ فَدَخَلَ رَسُولُ اللہِ ﷺ وَوُضِعَ رَأسہ فِي حجرہ وَنَامَ فَلُدِغَ أَبُو بَكْرٍ فِي رِجْلِہِ مِنَ الْجُحر وَلم يَتَحَرَّك مَخَافَة أَن ينتبہ رَسُولَ اللہِ ﷺ فَسَقَطَتْ دُمُوعُہُ عَلَی وَجْہُ رَسُولِ اللہِ ﷺ فَقَالَ: ((مَا لَكَ يَا أَبَا بَكْرٍ؟)) قَالَ: لُدِغْتُ فِدَاكَ أَبِي وَأُمِّي فَتَفِلَ رَسُولُ اللہِ ﷺ فَذَہَبَ مَا يَجِدُہُ ثُمَّ انْتَقَضَ عَلَيْہِ وَكَانَ سَبَبَ مَوْتِہِ وَأَمَّا يَوْمُہُ فَلَمَّا قُبِضَ رَسُولُ اللہِ ﷺ ارْتَدَّتِ الْعَرَبُ وَقَالُوا: لَا نُؤَدِّي زَكَاةً. فَقَالَ: لَوْ مَنَعُونِي عِقَالًا لَجَاہَدْتُہُمْ عَلَيْہِ. فَقُلْتُ: يَا خَلِيفَةُ رَسُولِ اللہِ ﷺ تَأَلَّفِ النَّاسَ وَارْفُقْ بِہِمْ. فَقَالَ لِي: أَجَبَّارٌ فِي الْجَاہِلِيَّةِ وَخَوَّارٌ فِي الْإِسْلَامِ؟ إِنَّہُ قَدِ انْقَطَعَ الْوَحْيُ وَتَمَّ الدِّينُ أَيَنْقُصُ وَأَنا حَيّ؟ . رَوَاہُ رزين
عمر ؓ سے روایت ہے کہ ان کے پاس ابوبکر ؓ کا تذکرہ کیا گیا تو وہ رو پڑے اور کہا: میں چاہتا ہوں کہ میرے سارے عمل ان کے ایام میں سے ایک یوم اور ان کی راتوں میں سے ایک رات کی مثل ہو جائیں،رہی ان کی رات،تو وہ رات جب انہوں نے رسول اللہ صلی اللہ علیہ وآلہ وسلم کے ساتھ غار کی طرف سفر کیا تھا،جب وہ دونوں وہاں تک پہنچے تو ابوبکر نے عرض کیا،اللہ کی قسم! آپ اس میں داخل نہیں ہوں گے حتیٰ کہ میں آپ سے پہلے داخل ہو جاؤں،تا کہ اگر اس میں کوئی چیز ہو تو اس کا نقصان مجھے پہنچے آپ اس سے محفوظ رہیں،وہ اس میں داخل ہوئے،اسے صاف کیا،اور انہوں نے اس کی ایک جانب سوراخ دیکھے،انہوں نے اپنا ازار پھاڑا اور اس سے سوراخوں کو بند کیا،مگر دو سوراخ باقی رہ گئے اور انہوں نے ان پر اپنے پاؤں رکھ دیے،پھر رسول اللہ صلی اللہ علیہ وآلہ وسلم سے عرض کیا،تشریف لے آئیں،رسول اللہ صلی اللہ علیہ وآلہ وسلم اندر تشریف لے آئے اور اپنا سر مبارک ان کی گود میں رکھ کر سو گئے،سوراخ سے ابوبکر کا پاؤں ڈس لیا گیا،لیکن انہوں نے اس اندیشے کے پیش نظر کہ آپ بیدار نہ ہو جائیں حرکت نہ کی،ان کے آنسو رسول اللہ صلی اللہ علیہ وآلہ وسلم کے چہرہ مبارک پر گرے تو آپ صلی اللہ علیہ وآلہ وسلم نے فرمایا:’’ابوبکر! کیا ہوا؟‘‘ انہوں نے عرض کیا،میرے والدین آپ پر فدا ہوں مجھے ڈس لیا گیا ہے،رسول اللہ صلی اللہ علیہ وآلہ وسلم نے لعاب لگایا اور تکلیف جاتی رہی،اور بعد ازاں اس زہر کا اثر ان پر دوبارہ شروع ہو گیا اور یہی ان کی وفات کا سبب بنا،رہا ان کا دن تو جب رسول اللہ صلی اللہ علیہ وآلہ وسلم نے وفات پائی کچھ عرب مرتد ہو گئے اور انہوں نے کہا: ہم زکوۃ نہیں دیں گے،انہوں نے فرمایا: اگر انہوں نے ایک رسی بھی دینے سے انکار کیا تو میں ان سے جہاد کروں گا۔میں نے کہا: رسول اللہ کے خلیفہ! لوگوں کو ملائیں اور نرمی کریں،انہوں نے مجھے فرمایا: کیا جاہلیت میں سخت تھے اور اسلام میں بزدل ہو گئے ہو،وحی کا سلسلہ منقطع ہو گیا،دین مکمل ہو چکا،تو کیا میرے جیتے ہوئے دین کم (ناقص) ہو جائے گا؟ اسنادہ ضعیف جذا،رواہ رزین۔