Mishkaat ul Masabeeh Hadith 6050 (مشکوۃ المصابیح)
[6050] رواہ البخاري (402، 4483) [و أحمد (1/ 23)]
تحقیق وتخریج:محدث العصر حافظ زبیر علی زئی رحمہ اللہ
عَن أنس وَابْن عمر أَن عمر قَالَ: وَافَقْتُ رَبِّي فِي ثَلَاثٍ: قُلْتُ: يَا رَسُولَ اللہِ لَوِ اتَّخَذْنَا مِنْ مَقَامِ إِبْرَاہِيمَ مُصَلًّی؟ فَنَزَلَتْ [وَاتَّخِذُوا مِنْ مَقَامِ إِبْرَاہِيمَ مُصَلًّی] . وَقُلْتُ: يَا رَسُولَ اللہِ يَدْخُلُ عَلَی نِسَائِكَ الْبَرُّ وَالْفَاجِرُ فَلَوْ أَمَرْتَہُنَّ يَحْتَجِبْنَ؟ فَنَزَلَتْ آيَةُ الْحِجَابِ وَاجْتَمَعَ نِسَاءُ النَّبِيِّ ﷺ فِي الْغَيْرَةِ فَقُلْتُ [عَسَی رَبُّہُ إِنْ طلَّقكنَّ أَن يُبدلہُ أَزْوَاجًا خيرا منكنَّ] فَنزلت كَذَلِك
انس اور ابن عمر ؓ سے روایت ہے کہ عمر ؓ نے فرمایا: میں نے تین امور میں اپنے رب سے موافقت کی،میں نے عرض کیا،اللہ کے رسول! اگر ہم مقام ابراہیم کو جائے نماز بنا لیں؟ اللہ نے یہ آیت نازل فرما دی:’’مقام ابراہیم کو جائے نماز بناؤ۔‘‘ میں نے عرض کیا،اللہ کے رسول! آپ کی ازواج مطہرات کے پاس نیک و فاسق قسم کے لوگ آتے ہیں،اگر آپ انہیں پردہ کرنے کا حکم فرما دیں،تب اللہ نے آیت حجاب نازل فرمائی،اور (ایک موقع پر) نبی صلی اللہ علیہ وآلہ وسلم کی ازواج مطہرات قصہ غیرت (شہد پینے والے واقعہ) پر اکٹھی ہو گئیں،تو میں نے کہا:’’قریب ہے کہ اس کا رب،اگر وہ تمہیں طلاق دے دیں،تم سے بہتر بیویاں انہیں عطا فرما دے۔‘‘ اسی طرح آیت نازل ہو گئی۔رواہ البخاری۔