Mishkaat ul Masabeeh Hadith 6069 (مشکوۃ المصابیح)
[6069] رواہ مسلم (26/ 2401) والروایۃ الثانیۃ، رواہا مسلم (27/ 2402)
تحقیق وتخریج:محدث العصر حافظ زبیر علی زئی رحمہ اللہ
عَنْ عَائِشَةَ قَالَتْ: كَانَ رَسُولُ اللہِ ﷺ مُضْطَجِعًا فِي بَيْتِہِ كَاشِفًا عَنْ فَخِذَيْہِ-أَوْ سَاقَيْہِ-فَاسْتَأْذَنَ أَبُو بَكْرٍ فَأَذِنَ لَہُ وَہُوَ عَلَی تِلْكَ الْحَالِ فَتَحَدَّثَ ثُمَّ اسْتَأْذَنَ عُمَرُ فَأَذِنَ لَہُ وَہُوَ كَذَلِكَ فَتَحَدَّثَ ثُمَّ اسْتَأْذَنَ عُثْمَانُ فَجَلَسَ رَسُولُ اللہِ ﷺ وَسَوَّی ثِيَابَہُ فَلَمَّا خَرَجَ قَالَتْ عَائِشَةُ: دَخَلَ أَبُو بَكْرٍ فَلَمْ تَہْتَشَّ لَہُ وَلَمْ تُبَالِہِ ثُمَّ دَخَلَ عُمَرُ فَلَمْ تَہْتَشَّ لَہُ وَلَمْ تُبَالِہِ ثُمَّ دَخَلَ عُثْمَان فَجَلَست وسوَّيت ثِيَابك فَقَالَ: ((أَلا أستحي من رجل تَسْتَحي مِنْہُ الْمَلَائِكَةُ؟)) وَفِي رِوَايَةٍ قَالَ: ((إِنَّ عُثْمَانَ رَجُلٌ حَيِيٌّ وَإِنِّي خَشِيتُ إِنْ أَذِنْتُ لَہُ عَلَی تِلْكَ الْحَالَةِ أَنْ لَا يَبْلُغَ إِلَيَّ فِي حَاجتہ)) . رَوَاہُ مُسلم
عائشہ ؓ بیان کرتی ہیں،رسول اللہ صلی اللہ علیہ وآلہ وسلم اپنے گھر میں لیٹے ہوئے تھے اور اس وقت آپ کی رانوں یا پنڈلیوں سے کپڑا اٹھا ہوا تھا،ابوبکر ؓ نے اندر آنے کی اجازت طلب کی تو انہیں اجازت دے دی گئی اور آپ اسی حالت میں رہے،انہوں نے بات چیت کی،پھر عمر ؓ نے اندر آنے کی اجازت طلب کی تو آپ نے انہیں اجازت دے دی اور آپ اسی حالت میں رہے،انہوں نے بات چیت کی،پھر عثمان ؓ نے اندر آنے کی اجازت طلب کی تو رسول اللہ صلی اللہ علیہ وآلہ وسلم اٹھ کر بیٹھ گئے،اپنے کپڑے درست کیے،جب وہ (آپ صلی اللہ علیہ وآلہ وسلم کے پاس سے اٹھ کر) چلے گئے تو عائشہ ؓ نے عرض کیا،ابوبکر ؓ آئے تو آپ نے ان کی خاطر کوئی حرکت نہ کی اور نہ ان کی کوئی پرواہ کی،پھر عمر ؓ تشریف لائے تو آپ نے ان کی خاطر کوئی حرکت کی نہ ان کی کوئی پرواہ کی،پھر عثمان ؓ تشریف لائے تو آپ اٹھ کر بیٹھ گئے اور اپنے کپڑے درست کیے،(کیا معاملہ ہے؟) آپ صلی اللہ علیہ وآلہ وسلم نے فرمایا:’’کیا میں اس شخص سے حیا نہ کروں جس سے فرشتے حیا کرتے ہیں؟‘‘ ایک دوسری روایت میں ہے: آپ نے فرمایا:’’عثمان حیا دار شخص ہے،مجھے اندیشہ ہوا کہ اگر میں نے انہیں اسی حالت میں اندر آنے کی اجازت دے دی تو ہو سکتا ہے کہ (شرم کے مارے) وہ اپنے کسی کام کے بارے میں اپنی بات مجھے نہ پہنچا سکیں۔‘‘ رواہ مسلم۔