Mishkaat ul Masabeeh Hadith 6084 (مشکوۃ المصابیح)
[6084] متفق علیہ، رواہ البخاري (3693) و مسلم (28/ 2403)
تحقیق وتخریج:محدث العصر حافظ زبیر علی زئی رحمہ اللہ
وَعَنْ أَبِي مُوسَی الْأَشْعَرِيِّ قَالَ: كُنْتُ مَعَ النَّبِيِّ ﷺ فِي حَائِطٍ مِنْ حِيطَانِ الْمَدِينَةِ فَجَاءَ رَجُلٌ فَاسْتَفْتَحَ فَقَالَ النَّبِيُّ ﷺ: ((افْتَحْ لَہُ وَبَشِّرْہُ بِالْجَنَّةِ)) فَفَتَحْتُ لَہُ فَإِذَا أَبُو بَكْرٍ فَبَشَّرْتُہُ بِمَا قَالَ رَسُولُ اللہِ ﷺ فَحَمِدَ اللہَ ثُمَّ جَاءَ رَجُلٌ فَاسْتَفْتَحَ فَقَالَ النَّبِيُّ ﷺ: ((افْتَحْ لَہُ وَبَشِّرْہُ بِالْجَنَّةِ)) . فَفَتَحْتُ لَہُ فَإِذا ہُوَ عُمَرُ فَأَخْبَرْتُہُ بِمَا قَالَ النَّبِيُّ ﷺ فَحَمِدَ اللہَ ثُمَّ اسْتَفْتَحَ رَجُلٌ فَقَالَ لِي: ((افْتَحْ لَہُ وَبَشِّرْہُ بِالْجَنَّةِ عَلَی بَلْوَی تُصِيبُہُ)) فَإِذَا عُثْمَانُ فَأَخْبَرْتُہُ بِمَا قَالَ النَّبِيُّ ﷺ فَحَمِدَ اللہَ ثمَّ قَالَ: اللہ الْمُسْتَعَان. مُتَّفق عَلَيْہِ
ابوموسیٰ اشعری ؓ بیان کرتے ہیں،میں مدینہ کے ایک باغ میں نبی صلی اللہ علیہ وآلہ وسلم کے ساتھ تھا،ایک آدمی آیا اور اس نے دروازہ کھولنے کی درخواست کی تو نبی صلی اللہ علیہ وآلہ وسلم نے فرمایا:’’اس کے لیے دروازہ کھول دو،اور اسے جنت کی بشارت دو۔‘‘ چنانچہ میں نے اس شخص کے لیے دروازہ کھول دیا تو وہ ابوبکر ؓ تھے،میں نے رسول اللہ صلی اللہ علیہ وآلہ وسلم کے فرمان کے مطابق انہیں جنت کی بشارت سنائی تو انہوں نے اللہ کی حمد بیان کی،پھر ایک اور آدمی آیا اور اس نے بھی دروازہ کھولنے کا کہا تو نبی صلی اللہ علیہ وآلہ وسلم نے فرمایا:’’اس کے لیے بھی دروازہ کھول دو،اور اسے بھی جنت کی بشارت سناؤ۔‘‘ چنانچہ میں نے اس کے لیے دروازہ کھولا تو وہ عمر ؓ تھے،میں نے نبی صلی اللہ علیہ وآلہ وسلم کے فرمان کے مطابق انہیں بھی جنت کی بشارت سنائی تو انہوں نے اللہ کی حمد بیان کی،پھر ایک اور آدمی نے دروازہ کھولنے کی درخواست کی تو آپ صلی اللہ علیہ وآلہ وسلم نے مجھے فرمایا:’’اس کے لیے دروازہ کھول دو اور اسے بھی جنت کی بشارت سنا دو،ان مصائب کے بعد جن سے ان کا واسطہ پڑے گا۔‘‘ تو وہ عثمان ؓ تھے،میں نے نبی صلی اللہ علیہ وآلہ وسلم کے فرمان کے مطابق انہیں بتایا تو انہوں نے اللہ کی حمد بیان کی۔پھر فرمایا: اللہ ہی سے مدد درکار ہے۔متفق علیہ۔