Mishkaat ul Masabeeh Hadith 6232 (مشکوۃ المصابیح)
[6232] سندہ ضعیف، رواہ الترمذي (3811) ٭ قتادۃ مدلس و عنعن و للحدیث شواھد معنویۃ .
تحقیق وتخریج:محدث العصر حافظ زبیر علی زئی رحمہ اللہ
وَعَنْ خَيْثَمَةَ بْنِ أَبِي سَبْرَةَ قَالَ: أَتَيْتُ الْمَدِينَةَ فَسَأَلْتُ اللہَ أَنْ يُيَسِّرَ لِي جَلِيسًا صَالِحًا فَيَسَّرَ لِي أَبَا ہُرَيْرَةَ فَجَلَسْتُ إِلَيْہِ فَقُلْتُ: إِنِّي سَأَلْتُ اللہَ أَنْ يُيَسِّرَ لِي جَلِيسًا صَالِحًا فَوُفِّقْتَ لِي فَقَالَ: مِنْ أَيْنَ أَنْتَ؟ قُلْتُ: مِنْ أَہْلِ الْكُوفَةِ جِئْتُ أَلْتَمِسُ الْخَيْرَ وَأَطْلُبُہُ. فَقَالَ: أَلَيْسَ فِيكُمْ سَعْدُ بْنُ مَالِكٍ مُجَابُ الدَّعْوَةِ؟ وَابْنُ مَسْعُودٍ صَاحِبُ طَہُورِ رَسُولِ اللہِ ﷺ وَنَعْلَيْہِ؟ وَحُذَيْفَةُ صَاحِبُ سِرِّ رَسُولِ اللہِ ﷺ؟ وَعَمَّارٌ الَّذِي أَجَارَہُ اللہُ مِنَ الشَّيْطَانِ عَلَی لِسَانِ نَبِيِّہِ ﷺ؟ وَسَلْمَانُ صَاحِبُ الْكِتَابَيْنِ؟ يَعْنِي الْإِنْجِيلَ وَالْقُرْآنَ. رَوَاہُ التِّرْمِذِيّ
خیثمہ بن ابی سبرہ بیان کرتے ہیں،میں مدینہ آیا تو میں نے اللہ سے درخواست کی وہ کسی صالح شخص کی ہم نشینی اختیار کرنے کی توفیق بخشے،چنانچہ اس نے میرے لیے ابوہریرہ ؓ کی ہم نشینی میسر فرما دی،میں ان کے پاس بیٹھ گیا،میں نے کہا: میں نے اللہ سے دعا کی تھی کہ وہ مجھے کسی صالح شخص کی ہم نشینی میسر فرمائے،مجھے تمہاری ہم نشینی نصیب ہوئی ہے۔انہوں نے فرمایا: تم کہاں سے (آئے) ہو؟ میں نے کہا کوفہ سے اور میں خیر کی طلب و تلاش میں آیا ہوں۔انہوں نے فرمایا: کیا تم میں مستجاب الدعوات سعد بن مالک ؓ نہیں ہیں؟ اور رسول اللہ صلی اللہ علیہ وآلہ وسلم کی طہارت کے لیے وضو کا انتظام کرنے والے اور آپ کے جوتے اٹھانے والے ابن مسعود ؓ نہیں ہیں؟ رسول اللہ صلی اللہ علیہ وآلہ وسلم کے راز دان حذیفہ ؓ اور عمار ؓ جنہیں اللہ نے اپنے نبی صلی اللہ علیہ وآلہ وسلم کی زبان پر شیطان سے پناہ دی ہے،اور صاحب کتابین یعنی انجیل و قرآن پر ایمان رکھنے والے سلمان نہیں ہیں؟ سندہ ضعیف،رواہ الترمذی۔