Sunan Al-Nasai Hadith 5417 (سنن النسائي)

[5417]حسن

تحقیق وتخریج:محدث العصر حافظ زبیر علی زئی رحمہ اللہ

أَخْبَرَنَا مُحَمَّدُ بْنُ بَشَّارٍ قَالَ حَدَّثَنَا يَحْيَی بْنُ سَعِيدٍ عَنْ عَوْفٍ قَالَ حَدَّثَنِي حَمْزَةُ أَبُو عُمَرَ الْعَائِذِيُّ قَالَ حَدَّثَنَا عَلْقَمَةُ بْنُ وَائِلٍ عَنْ وَائِلٍ قَالَ شَہِدْتُ رَسُولَ اللہِ ﷺ حِينَ جَاءَ بِالْقَاتِلِ يَقُودُہُ وَلِيُّ الْمَقْتُولِ فِي نِسْعَةٍ فَقَالَ رَسُولُ اللہِ ﷺ لِوَلِيِّ الْمَقْتُولِ أَتَعْفُو قَالَ لَا قَالَ فَتَأْخُذُ الدِّيَةَ قَالَ لَا قَالَ فَتَقْتُلُہُ قَالَ نَعَمْ قَالَ اذْہَبْ بِہِ فَلَمَّا ذَہَبَ فَوَلَّی مِنْ عِنْدِہِ دَعَاہُ فَقَالَ أَتَعْفُو قَالَ لَا قَالَ فَتَأْخُذُ الدِّيَةَ قَالَ لَا قَالَ فَتَقْتُلُہُ قَالَ نَعَمْ قَالَ اذْہَبْ بِہِ فَلَمَّا ذَہَبَ فَوَلَّی مِنْ عِنْدِہِ دَعَاہُ فَقَالَ أَتَعْفُو قَالَ لَا قَالَ فَتَأْخُذُ الدِّيَةَ قَالَ لَا قَالَ فَتَقْتُلُہُ قَالَ نَعَمْ قَالَ اذْہَبْ بِہِ فَقَالَ رَسُولُ اللہِ ﷺ عِنْدَ ذَلِكَ أَمَا إِنَّكَ إِنْ عَفَوْتَ عَنْہُ يَبُوءُ بِإِثْمِہِ وَإِثْمِ صَاحِبِكَ فَعَفَا عَنْہُ وَتَرَكَہُ فَأَنَا رَأَيْتُہُ يَجُرُّ نِسْعَتَہُ

حضرت وائل رضی اللہ عنہ بیان کرتے ہیں کہ میں رسول اللہ ﷺ کے پاس حاضر تھا جب ایک مقتول کا ولی قاتل کو چمڑے کی تندی کے ساتھ جکڑ کا لایا۔رسول اللہ ﷺ نے مقتول کی ولی سے فرمایا: ’’کیا تو معاف کرتا ہے؟‘‘ اس نے کہا: نہیں۔آپ نے فرمایا: ’’دیت لے گا؟‘‘ اس نے کہا: نہیں۔آپ نے فرمایا: ’’پھر قتل کرے گا؟‘‘ اس نے کہا: جی ہاں۔آپ نے فرمایا: ’’پھر تو اس کو لے جا۔‘‘ جب وہ اس کو لے کر چل پڑا تو آپ نے اسے بلایا اور فرمایا: ’’معاف کرے گا؟‘‘ اس نے کہا: نہیں۔آپ نے فرمایا: ’’دیت لے گا؟‘‘ اس نے کہا: نہیں۔آپ نے فرمایا: ’’پھر قتل ہی کرے گا؟‘‘ اس نے کہا: جی ہاں۔آپ نے فرمایا: ’’پھر اسے لےجا۔‘‘ جب وہ لے چلا تو آپ نے پھر اسے بلایا اور فرمایا: ’’معاف کرے گا؟‘‘ اس نے کہا: نہیں۔آپ نے فرمایا: ’’پھر ضرور قتل ہی کرے گا؟‘‘ اس نے کہا: جی ہاں۔اس وقت رسول اللہ ﷺ نے فرمایا: ’’اگر تو اسے معاف کردے تو وہ اپنے گناہ اور تیرے مقتول کے گناہ کا ذمہ دار ہوگا۔‘‘ یہ سن کر اس نے اسے معاف کر دیا اور چھوڑ دیا۔میں نے دیکھا،وہ اپنی تندی (رسی) کو اسی طرح گھسیٹتا ہوا جا رہا تھا۔

الحدیث السابقالحديث الآتي