Jamia al-Tirmidhi Hadith 2675 (سنن الترمذي)

[2675]صحیح

مشکوۃ المصابیح (5350)

تحقیق وتخریج:محدث العصر حافظ زبیر علی زئی رحمہ اللہ

حَدَّثَنَا أَحْمَدُ بْنُ مَنِيعٍ حَدَّثَنَا يَزِيدُ بْنُ ہَارُونَ أَخْبَرَنَا الْمَسْعُودِيُّ عَنْ عَبْدِ الْمَلِكِ بْنِ عُمَيْرٍ عَنْ ابْنِ جَرِيرِ بْنِ عَبْدِ اللہِ عَنْ أَبِيہِ قَالَ قَالَ رَسُولُ اللہِ ﷺ مَنْ سَنَّ سُنَّةَ خَيْرٍ فَاتُّبِعَ عَلَيْہَا فَلَہُ أَجْرُہُ وَمِثْلُ أُجُورِ مَنْ اتَّبَعَہُ غَيْرَ مَنْقُوصٍ مِنْ أُجُورِہِمْ شَيْئًا وَمَنْ سَنَّ سُنَّةَ شَرٍّ فَاتُّبِعَ عَلَيْہَا كَانَ عَلَيْہِ وِزْرُہُ وَمِثْلُ أَوْزَارِ مَنْ اتَّبَعَہُ غَيْرَ مَنْقُوصٍ مِنْ أَوْزَارِہِمْ شَيْئًا وَفِي الْبَاب عَنْ حُذَيْفَةَ قَالَ أَبُو عِيسَی ہَذَا حَدِيثٌ حَسَنٌ صَحِيحٌ وَقَدْ رُوِيَ مِنْ غَيْرِ وَجْہٍ عَنْ جَرِيرِ بْنِ عَبْدِ اللہِ عَنْ النَّبِيِّ ﷺ نَحْوُ ہَذَا وَقَدْ رُوِيَ ہَذَا الْحَدِيثُ عَنْ الْمُنْذِرِ بْنِ جَرِيرِ بْنِ عَبْدِ اللہِ عَنْ أَبِيہِ عَنْ النَّبِيِّ ﷺ وَقَدْ رُوِيَ عَنْ عُبَيْدِ اللہِ بْنِ جَرِيرٍ عَنْ أَبِيہِ عَنْ النَّبِيِّ ﷺ أَيْضًا

جریر بن عبداللہ رضی اللہ عنہ کہتے ہیں کہ رسول اللہ ﷺ نے فرمایا: جس نے کوئی اچھا طریقہ جاری کیا (کوئی اچھی سنت قائم کی) اور اس اچھے طریقہ کی پیروی کی گئی تو اسے (ایک تو) اسے اپنے عمل کا اجر ملے گا اور (دوسرے) جو اس کی پیروی کریں گے ان کے اجروثواب میں کسی طرح کی کمی کیے گئے بغیر ان کے اجرو ثواب کے برابر بھی اسے ثواب ملے گا،اور جس نے کوئی برا طریقہ جاری کیا اور اس برے طریقے کی پیروی کی گئی تو ایک تو اس پر اپنے عمل کا بوجھ (گناہ) ہوگا اور (دوسرے) جولوگ اس کی پیروی کریں گے ان کے گناہوں کے برابر بھی اسی پرگناہ ہوگا،بغیر اس کے کہ اس کی پیروی کرنے والوں کے گناہوں میں کوئی کمی کی گئی ہو ۱؎۔ امام ترمذی کہتے ہیں:۱-یہ حدیث حسن صحیح ہے،۲-یہ حدیث کئی سندوں سے جریر بن عبداللہ سے آئی ہے،اورانہوں نے نبی اکرم ﷺ سے اسی طرح روایت کی ہے،۳-یہ حدیث منذر بن جریر بن عبداللہ سے بھی آئی ہے،جسے وہ اپنے والد جریر بن عبداللہ سے اورجریر نبی اکرم ﷺ سے روایت کرتے ہیں،۴-یہ حدیث عبیداللہ بن جریر سے بھی آئی ہے،اورعبید اللہ اپنے والد جریر سے اور جریر نے نبی اکرم ﷺ سے روایت کی ہے،۵-اس باب میں حذیفہ رضی اللہ عنہ سے بھی روایت ہے۔

الحدیث السابقالحديث الآتي